فلسطينى

موضوع: فلسطينى الثلاثاء يونيو 08, 2010 3:15 am

فلسطينى

من تحتِ التراب شيلتك ياوليدىِ
مشجوج الراس وقلبك على إيدىِ
جاوبنى بصلى أُصرخ قول ياسيدىِ
خايف عليك لتروح بعيد ولا تيجىِ
وأتلفت ألقىَ البيوت كلها مثل بيتىِ

أرجوك يابنى يا قلبى رُد عليهَ
هُو إنتَ جيت للدنيا عشان القسوة ديهَ
البيت وراح يُروح ملهوش أى أهميهَ
بس إنتَ يا ضنايا ياعَقلى وعنيهَ
كُنت شايلك لما أكبر فى الدنيا سند ليهَ
سَائلتْ ع الفاعل قَالوا طيران إسرائليهَ
هِيا دى يا عالم الحقوق الإنسانيهَ

هَزيت الواد كثير بإدى مألش أأهْ
قَاربت فَمى على ودنه وقولت يا الله
رَمش بعينيه وبصلى ومن تانى تاهْ
وقلبهُ دق دقات رجَعت لى الحياهْ
ولسه بجرى وبجرى من غير هُداهْ
وناس كثيرة ذى والكل شايل ضناهْ

أأه يابنى نستنى أُمك تحت الترابْ
ياناس الحقونا حوشوا عنا هذا العذابْ
كيف نُترك بلدنا ونعيش أغرابْ
والنار بتزيد والدخان أشد من الضبابْ
والصمت ساد وإحنا بنعيش دا الخرابْ
والطيرات ورها فى كُل حى هبابْ

سامحنى يابنى أنا من غير بُندقيةَ
وهمَ معاهم كل الاسلحة والأليةَ
حتى الإسعاف بعيده عنى ومش حواليةَ
وإسرائيل مطمنة وراها الفيتو الأمريكيةَ
وبتنحاز لها الدول والأتحادات الأوربيةَ
وأنا لا لائى ليك الدوى ولا نقطة المايةَ
دى يا ناس مظاهر الحضارة العالميةَ