على الأرغول

موضوع: على الأرغول الخميس يونيو 03, 2010 5:05 am

على الأرغول

يا مصر كل يوم حبى لك بيزيد
وبحبك أكتر وأكتر وأنا بعيد
وكل يوم لى على أرضك عيد
يالكرهى لسرقة العبد والسيد
أه يامصر لوعرفتى الأمانه والنظام
هتبقى حياه
والعيشه هتبقى سهله والكل
ينول مناه
والناس تيجى على الدور وتستناه
هننهى عملنا بسرعه ونقول يا الله
رحت لمصلحه لآيت موظفين كتيره أوى !
سائلتهم انتوا كلكم شغالين هنا اذاى!؟
قالوا احنا بنظم اللى رايح واللى جاى
قولت بتنظموا ولا بتقولوا هاتو الشاى!؟
بص لى واحد وقال انت من دا الحى !؟

وفى يوم كنت فى سياره أجره ومسرعين
من بعيد شفنا سيارات كتيره مرصصين
ولما وصلنا وقفنا مع الواقفين
جه الامين اعطالوا السواق حته بخمسين
والتفت لنا وقال دى للكمين وبيخدها الامين
ولما تركنا راح للى جنبنا وقاله
انت من المخالفين
بصله وسكت فكتب له مخالفه
لا بل اتنين

عجبى عليكى يابلد ياللى خالفتى
كل الأعراف والقوانين
والنفوس فيكى مش صافيه
والناس صبحت غدارين
والدنى فاكر انه بالمال والمنصب
هيكون فى أعلى العليين
عجبى