يا غنوة ما تنتهيش

ياغنوة ما تنتهيش

جانا يوم

صحى فيه نهاره

كان بيحلم بنور الشمس

والدفى يملا الغيطان

شاف الطيران عدى
سمع المدفع دوى

سائل حالوا هو دا منام ؟

والنهارده اه يا ترى ؟
والوقت الساعه كام ؟

اليوم السادس من اكتوبر

العاشر من رمضان

الساعة اتنين الضهر
....................
على الأذاعة

راح ملهوف

سمع الأخبار بتئول

على البر التانى عدينا

وجنود العدى فى ايدينا

مثل طيور جاتها كوريرا

باتوا تحت رجلينا
وبرليف صبح عشة ليهم
وحصن لينا
وشجر الخريف اللى احنا فيه
جدد ورق أخضرة ضلل علينا
وزهور كأنه ربيع حوالينا

..........................

راح الصاحى ع النايم صحاه

أوم يابنى صح النوم

عدينا
ع البر التانى

وعلمنا بيهفف على سينا

والعدو جتو نيله

مات له ألفات ألفات

والأسرى ميات ف ميات

احنا بنهاجم بكل القوات

مش ذى زمان
ضربات ضربات
ومائير لأمريكا وللعالم بتصرخ
جاااى
هاااتى. . . .وهااات

هو صحيح يا ترى ؟

أيوه أوم
اسمع وشوف

اه اللى جره
................

هرب منا النوم وسهرنا الليالى
من غير ما نعانى

بفرحتنا باللى جارى

والأذاعة عم بتوالى

بيان وراه بيان

والنشرة بتئول كلام

طاب له القلب المجروح
والنصر أهه بيلوح
والضى ف كل مكان بنروح
والقلب بيبات سهران
ما هو نعسان
أأأه على اللى كان

....................
والعدو

من اللى جرالوا

جالوا هم وجنودوا هاموا

هيفضلوا كده سنين وسنين

وهيعيشوا العمره مخذولين

لا هتترفع لهم راس

ولا هيعلا لهم جبين

دا جزاهم من رب العالمين

علشان أصلهم غدارين

لا لهم أمان ولا يمين

وف كلامهم كدابين أوعوا تنسوا

دول كدبوا وأقتلوا المرسلين !
وطردوا وشردوا التابعين

أهو جالهم اليوم

ولسه جايلهم أيام كتيرة

وكتير

فى أخرتهم خسرانين

........................

يا غنوتنا ما تنتهيش

يا نصرنا عيش وعيش

يا هوا هفف بشويش

على طابا والعريش

يا سحاب ميل وما تمشيش

مطر علي توشكا

ولا تنسى الوادى الجديد

وع الصحرى رخ رخ

والولد وأوعاك
بيزرع الأرض هناك

أرضك يأمى

والكل مستنى

خيرك

دألئول أولك

لأن من غيرك
ما بنعيش

................