كِتر الكلام
يا مصر شعب وشورى وحكومة
صاحب الحاجة فى عوزتة تنسوه
تِبنولهُ من الأحلام قصر
تِجوا قبل العصر تهدوه
قبل ما تِكَذب كلامى طوف
ف الشارع وع الرصيف ضيوف
مساكين ع العيش طابور ألوف
راضين بيه مع الفول بس يلقوه
ومساكين قرارعلاجهم إنسرق
ما حيلتوهم من القروش مية
راحت لكبار معاهم الجنيهات
ملايين فاتت الألف وشوية
والأمور ماشية تمام ومدارية
حتى لو كان سليم لا مانع
يعمل شوية تحاليل طبية
أو عمليات تجميل برانية
وللعين عدسات لاصقة ماشى
وع الرصيف نام عليه مئات
صاحب الشركة سرقهم وفات
وغيرهم ع القدمين يعد فلنكات
ما لهم وسيلة للعمل تُروح بهم
يمشوا أحسن ما اليوم يعديهم
بس فى كُترِ الكلام شاطرين
مين على الكرسى هيكون ؟
ياريت يكون له كلام معقول
اهو من طوبة لمشير !!
أروح لمين وعلى مين أشير
كُلهم فى أول الموال مساكين
بعد كده يكيل لك بمكيالين
وإن طولت فى الكلام حبتين
يقول أنت عارف بتكلم مين!
ومن تانى ما حدا يسمع
وعلى القدمين أرجع ماشى
حتى لقمة العيش ما ألا أهاش
ومرضى كِتر والعلاج مافى
خلاص ليه نقول ونعيد ؟!
القريب قبل الغريب جفانى
وضاع منى الحق وانهضم
أه نَفسى انقطع وحيلى إتهد
فى الليل جنب الولاد أتخمد
على فرشه من غير غطى
وحيطان نايمة ما أيماشى!
جنب مراتى نايم ما دارى
مسكينة صوتها إت حش
لا بتقول ما لك ولا سلامات
يا أخونا لى عندكم سؤال
هم الغلابة فى البلد دى
لهم حق ولا ما فى ؟؟؟؟؟
موضوع: كِتر الكلام 
الثلاثاء مارس 16, 2010 8:27 am
