منبر الابداع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منبر الابداع للابداع شكل جديد
 
الرئيسيةالبوابةأحدث الصورالتسجيلدخولتسجيل دخول الاعضاءتسجيل دخول الاعضاء
وضاعت الأيام 14971045

 

 وضاعت الأيام

اذهب الى الأسفل 
كاتب الموضوعرسالة
سليمان شاويش
المشرف العام
المشرف العام
سليمان شاويش


عدد المساهمات : 311
نقاط : 748
تاريخ التسجيل : 21/01/2010
العمر : 64

وضاعت الأيام Empty
مُساهمةموضوع: وضاعت الأيام   وضاعت الأيام Icon_minitimeالخميس يونيو 03, 2010 4:51 am

وضاعت الأيام


دق ع الباب دقتين وراح
فتحت لأيتو تاه
سائلت إللى كانوا وقفين
قالوا ده راجل غرب
هدومه متربين
وراسه ووشوه معفرين
وباين عليه حيران وحزين
رديت الباب تانى
وفى ساعة المغربيه جانى
وهما الدقتين
جريت افتح طب لمين
مش معقول !
..............
يا الله هو أنت ؟
كنت فين ؟
دى فاتت عليك أيام


وسنين وإنت بعيد



جاى وشايل شنط كتير



وقال يستنه لما ينزل الليل



كل ده ؟!
ما كنتش مستني غيرك



.........................



بصلى وقال



الغيبه طالت أه



لكن معايا من غربتى



اللى هنعيش به سنين وسنين



قولت ومستنتش عليه



سنين وسنين !!



هو إللى باقى إه ؟



إللى فات كان زهور



وإللى جاى حلم خجول


وعلى العموم


أدخل بيتك منور بيك



...........................



قولت تانى والصغار حواليه



مستغرباه



إنت إللى كنت مستنياه



لما غبت وطالت الغيبة



عقلى تاه وقلبى وراه



ليلى كنت بفكر فيك



ونهارى بحاكيك



مع كل شربت مية



ولقمة عيش أهى هانية



وكنت مستنية



وأول العنقود ضاق منى وبية



وراح يدور عليك



يا هل ترى هيعود ؟



ولا هيغيب ذييك ؟



..................



بصلى وراح لبعيد



ودموعه حساها بتقول



ياولدى فين ألإقيك !



سنينى كلها غريب



هو جه الدور عليك ؟



أه لو أعرف فين أراضيك !



شوق السنين غلبنى



والدموع إللى ماكانت فى غربتى
يوم ما جيتلك بتبكيك
ولقيت صوتى بيقول جوايه



دنيا وهى ضاعت فى ألأوهام



والحب هيجدد ولا هينام



والشجرة الدبلانه هتخضر!



ولا ضاعت منها الأيام ؟
.............................
الرجوع الى أعلى الصفحة اذهب الى الأسفل
 
وضاعت الأيام
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منبر الابداع :: ساحة الابداع الادبية :: الشعر الفصيح و شعر العامية و الزجل-
انتقل الى: